Fılıppındik delegat: Qazaqstandaǵy Halyqaralyq olımpıada - ınformatıka álemindegi mańyzdy oqıǵa

Bul týraly «QazAqparat» tilshisine bergen suhbatynda Fıllıppınnen kelgen komandanyń jetekshisi Martın Gomez málimdedi.

«Biz bul olımpıadaǵa eń myqty degen oqýshylarymyzdy alyp keldik. Búgin ótip jatqan birinshi týrda olardyń qabilet-qarymy anyq baıqalady. Bizdiń komandamyz óte myqty. Sondyqtan júldeli oryndarǵa qol jetkizýge úmitimiz zor. Bul jerde qazaqstandyq qatysýshylardy da aıta ketken jón. Meniń estýimshe, olar óte daryndy balalar. Endi laıyqty qarsylastarymyzdyń bar ekendigine men tek qýanamyn», - dedi ol.

Esterińizge sala ketelik, bul olımpıadaǵa álemniń 86 elinen 630-dan astam delegat qatysýda. Búgin saǵat 14.00-de alǵashqy týr aıaqtaldy. Oǵan qatysýshylar osy týrda alynǵan tapsyrmalar men olardyń nátıjelerin talqylaý ústinde.

Qazaqstannyń atynan bul pándik básekege ınformatıkadan ótken Eýrazııalyq olımpıadanyń kúmis júldegerleri Danııar Mamınov, Ómirzaq Meırambek, Bekjan Bekbolatuly jáne Altybaı Nazarbek qatysyp jatyr.

Olımpıadanyń saltanatty jabylý rásimi aldaǵy 1 tamyzda ótedi.