Fılıppındik boksshy Mennı Pakıao jartylaı orta salmaqta álem chempıony atandy
ASTANA. QazAqparat - Fılıppındik Mennı Pakıao jartylaı orta salmaqta Búkilálemdik boks qaýymdastyǵynyń nusqasy boıynsha álem chempıony atandy, dep habarlady sheteldik BAQ.
M.Pakıao men amerıkandyq Tımotı Bredlı arasyndaǵy sharshy alańdaǵy kezdesý senbi kúni Las-Vegasta ótken bolatyn. 12 raýndqa sozylǵan jekpe-jektiń nátıjesinde tóreshiler biraýyzdan jeńisti fılıppındik boksshyǵa berdi.
Aıta keterligi, Pakıao men Bredlı sharshy alańda osymen ekinshi márte judyryqtasty. 2012 jyldyń 9 maýsymynda ótken kezdesýde tóreshiler ekige jarylyp, degenmen jeńis amerıkandyqtyń enshisine jazylǵan edi.
35 jastaǵy fılıppındik sharshy alańda 56 ret jeńiske jetip (38 nokaýt), 5 márte jeńilistiń aşy dámin tatsa, eki kezdesýin teń aıaqtaǵan. Al Bredlı osymen 32-shi ret jekpe-jek ótkizip, alǵash ret qarsylasyna ese jiberip otyr.
