Fılıppındegi zilzala 9 adamnyń ómirin qıyp ketti
NUR-SULTAN. QazAqparat – Búgin Fılıppınniń ońtústik bóligindegi Mındınao aralynda jer silkinisi bolyp, kem degende toǵyz adam qaza tapty, dep habarlaıdy QazAqparat Manila Bulletin gazetine silteme jasap.
Buǵan deıin eki adamnyń kól jumǵany habarlanǵan edi. Tabıǵı apat qurbandarynyń arasynda evakýatsııalaý kezinde mektep úıindileriniń astynda qalyp qoıǵan balalar men jasóspirimder bar.
Aldyn ala derekterge qaraǵanda, araldyń ártúrli bólikterindegi ınfraqurylym nysandaryna zaqym kelgen. Bılik ókilderi zardap shekkenderdiń naqty sanyn anyqtaý ústinde.
Fılıppın Janartaýtaný jáne seısmologııa ınstıtýty málim etkendeı, jer silkinisiniń magnıtýdasy 6,6 balldy qurady.
