Fılıppındegi taıfýnnyń qurbandary 5,7 myń adamǵa jetti
ASTANA. 7 jeltoqsan. QazAqparat - Fılıppındegi «Haııan» joıqyn taıfýnynyń qurbandary 5796 adamǵa deıin jetti. Sonymen qatar habar-osharsyz ketkenderdiń sany 1,8 myń adamdy qurap otyr. Bul jaıynda osy eldiń Tótenshe jaǵdaılarda basqarý boıynsha ulttyq keńestiń málimetinde habarlanyp otyr.
Budan buryn 5,5 myń adamnyń ómiri qıylǵandyǵy aıtylǵan bolatyn. Atap aıtqanda, jaraqat alǵandar 27 myńnan asyp tústi.
Tabıǵı apattan 4 mıllıonǵa jýyq fılıppındik baspanasyz qalyp, kóshirý ortalyqtarynda qazirgi kezde 100 myńǵa jýyq adam ornalastyryldy.
VVS-diń jazýynsha, taıfýn 600 myńnan astam úıdi tolyǵymen shaıyp ótip, 610 myńyn búlinshilikke ushyratty.
