Fılıppındegi taıfýn: qurbandar sany 67-ge jetti
MANILA. QazAqparat - Fılıppındi jaıpap ótken surapyl daýyl saldarynan opat bolǵan adamdardyń sany 67-ge jetti, dep habarlaıdy QazAqparat Reuters agenttigine silteme jasap.
Eldiń soltústik óńirlerin sońǵy qyryq jylda bolmaǵan sý tasqyny basyp qaldy.
Fılıppın Prezıdenti Rodrıgo Dýterte Kagaıan ańǵaryndaǵy jaǵdaıdy baǵalaý maqsatymen Týgegarao provıntsııasyna ushyp bardy. Bul óńirdi Vamko atty taıfýnnan soń týyndaǵan tasqyn sý astynda qalǵan edi.
«Kagaıan ańǵarynda 22 adam, Lýson aralynyń ońtústiginde - 17, Manıla qalasynda – 8 jáne ózge eki aımaqta 20 adam kóz jumdy»,- dep málim etti eldiń tabıǵı apattardy basqarý agenttiginiń ókili Mark Tımbal.
Onyń aıtýynsha, 12 adam iz-túzsiz joǵalǵan jáne Vamko daýyl saldarynan 26 000 úı búlingen.
