Fılıppındegi sý tasqynynan kelgen shyǵyn $23 mln asty
BANGKOK. QazAqparat – TASS – Fılıppınde sý tasqynynan aýyl sharýashylyǵy men ınfraqurylymǵa kelgen shyǵyn 1,28 mlrd pesodan ($23,5 mln) asty. Mundaı derekter Qaýipti eskertý jáne tabıǵat apattaryn joıý boıynsha ulttyq keńestiń sársenbi kúngi esebinde keltirilgen, dep habarlaıdy QazAqparat TASS-qa silteme jasap.
12 qańtardan bastap júrgizilip jatqan mekeme esebi boıynsha, 316 evakýatsııa ortalyǵyna 116,6 myń adam jetkizildi. Kem degende 39 adam qaza taýyp, 14,3 myń adam úılerin aldyn ala tastap ketken, 12 azamat túrli jaraqat aldy. 5 adam iz-túzsiz joǵalǵan. Respýblıkanyń 14 óńirinde sý tasqyny men kóshkin syndy 1,38 myń oqıǵa tirkeldi.
Apat saldarynan 1,78 úı búlindi, shyǵyn kólemi 3,72 mln pesoǵa ($68,4 myń) jetti. 215 ınfraqurylym obektisine kelgen shyǵyn 430,4 mln peso ($7,86 mln), aýyl sharýashylyǵyna - 858,6 mln peso ($15,6 mln) dep baǵalanyp otyr. Sý tasqyny 307 jol men 65 kópirge zalal keltirdi, 35 teńiz portynyń jumysy kedergige ushyrady.
622 qala men 151 mýnıtsıpalıtette oqý oryndaryndaǵy sabaq pen mekemelerdegi jumys toqtady. 85 eldi mekende apat rejımi engizilgen. Úkimet kómek kórsetýge 102,1 mln peso ($1,86 mln) qarjy bóldi.
