Fılıppındegi sý tasqynynan qaza tapqandar sany 50-ge jetti
BANGKOK. TASS-QazAqparat – Fılıppınde nóser jaýynnan bolǵan sý tasqynynan keminde 50 adam qaza taýyp, 21 adam iz-túzsiz joǵaldy, dep habarlaıdy QazAqparat TASS aqparat agenttigine silteme jasap.
Tabıǵı apat qateriniń aldyn alý jáne saldaryn joıý jónindegi ulttyq keńestiń dúısenbide jarııalaǵan baıandamasynda sý tasqynynan respýblıkanyń 10 óńirinde 583,4 myńnan astam adam zardap shekkeni aıtylǵan.
Vedomstvo málimetinshe, 95 evakýatsııa ortalyǵyna 51,4 myń adam ornalastyrylǵan.
Kem degende 1,42 myń adam úıin tastap ketken, 16 adam túrli dene jaraqatyn aldy. Respýblıkanyń toǵyz oblysynda sý tasqyny men kóshkinnen bolǵan 469 oqıǵa tirkeldi.
Tabıǵı apattan eldegi 4,54 myń úıge 54,8 mln peso (985,8 myń dollar) somasynda zııan keltirildi. 95 ınfraqurylym nysanyna kelgen shyǵyn 1,13 mlrd pesoǵa (20,4 mln dollar), aýyl sharýashylyǵyna 245 mln pesoǵa (4,4 mln dollar) baǵalanǵan.
Sý tasqyny 140 jol men 14 kópirdi zaqymdap, 19 teńiz porty zardap shekti.
63 qalada elektr qýatynyń úzilýi tirkelip, 62-sinde qazirgi kezde qalpyna keltirildi. Keı jerlerde sýmen qamtamasyz etý máselesi bar.
67 qala men 71 mýnıtsıpalıtette oqý oryndaryndaǵy sabaq pen kásiporyndar jumysy toqtatyldy. 22 eldi mekende tótenshe jaǵdaı rejımi engizilgen.
El úkimeti kómekke 48,2 mln peso (865,8 myń dollar) bóldi.
Foto: AFP Photo
