Fılıppındegi sý tasqynynan 46 myń adam evakýatsııalandy

ASTANA. QazAqparat – Fılıppınniń ońtústik jáne shyǵys provıntsııalarynda tolassyz jaýǵan nóser jaýynnan oryn alǵan sý tasqyny saldarynan kem degende segiz adam qaza taýyp, 19 adam iz-túzsiz joǵaldy, dep jazady QazAqparat euronews aqparat agenttigine silteme jasap.

Qutqarý operatsııalaryna jaǵalaýdaǵy kúzet qyzmetkerleri qatysýda. Tabıǵı apat Rojdestvo merekesine tuspa-tus keldi. Bul kezde kóptegen fılıppındikter qoǵamdyq oryndarda bolyp ne týystarynyń úıinde qonaqtap júrdi. Eldiń Áleýmettik ister mınıstrliginiń málimetinshe, 46 myńǵa jýyq adam evakýatsııalyq ortalyqtardy panalaǵan.

Ǵalymdardyń pikirinshe, Fılıppın klımattyq ózgeristerdiń áserinen kóp zardap shegetin elderdiń qatarynda. 7600-den astam araldan turatyn arhıpelagta jylyna orta eseppen 20 tropıkalyq daýyl bolady.

Foto: AFP PHOTO