Fılıppındegi sý tasqynynan 1,94 mln adam japa shekken
BANGKOK. TASS – QazAqparat – Fılıppınde sý tasqyny bolyp, 38 adam qaza tapty, bes adam iz-túzsiz joǵalyp ketti, dep habarlaıdy QazAqparat TASS agenttigine silteme jasap.
Qaýipti eskertý jáne tabıǵat apattaryn joıý boıynsha ulttyq keńestiń seısenbi kúngi esebine sáıkes, jaýyn-shashynnan respýblıkanyń 14 óńirinde 1,94 mln-nan astam adam zardap shekken.
12 qańtardan bastap júrgizilip jatqan mekeme esebi boıynsha, 316 evakýatsııa ortalyǵyna 116,6 myń adam jetkizildi. 14,3 myń adam úılerin aldyn ala tastap ketken, 12 azamat túrli jaraqat aldy. Respýblıkanyń 14 óńirinde sý tasqyny men kóshkin syndy 1,37 myń oqıǵa tirkeldi.
Apat saldarynan 1,78 úı búlindi, shyǵyn kólemi 3,72 mln pesoǵa ($68,4 myń) jetti. 205 ınfraqurylym obektisine kelgen shyǵyn 280,2 mln peso ($5,13 mln), aýyl sharýashylyǵyna - 777,5 mln peso ($14,2 mln) dep baǵalanyp otyr. Sý tasqyny 306 jol men 65 kópirge zalal keltirdi, 35 teńiz portynyń jumysy kedergige ushyrady. 68 qalada elektr jelisi buzylyp, biraq 61-inde qalpyna keltirilip úlgerdi. Segiz mýnıtsıpalıtette sýmen qamtý máselesi týyndasa, úsheýinde baılanys úzilgen.
622 qala men 151 mýnıtsıpalıtette oqý oryndaryndaǵy sabaq pen mekemelerdegi jumys toqtady. 84 eldimekende apat rejımi engizilgen. Úkimet kómek kórsetýge 101,1 mln peso ($1,85 mln) qarjy bóldi.
Foto: aa.com.tr
