Fılıppındegi sý tasqynan 1,4 mln adam zardap shekti
ASTANA. QazAqparat - Táýekelderdiń aldyn alý jáne tabıǵı apattardy joıý jónindegi ulttyq keńestiń málimetinshe, Fılıppındegi sý tasqyny saldarynan 28 adam qaza taýyp, úsheýi iz-túzsiz joǵalǵan, dep habarlaıdy QazAqparat.
Arnaıy qurylǵan 489 evakýatsııalyq pýnktte 211,9 myń azamat bar. 14,1 myń adam úılerin aldyn ala tastap ketken jáne 11 adam jaraqat aldy. Sý tasqynynan 1,39 mln adam zardap shekti. 14 óńirde sý tasqyny men kóshkinge baılanysty myńnan astam oqıǵa tirkeldi. 156 ınfraqurylymdyq nysanǵa keltirilgen zalal 171,5 mln pesoǵa (3,13 mln dollar), aýyl sharýashylyǵyna 299,7 mln pesoǵa (5,47 mln dollar) baǵalanǵan. Sý tasqyny 231 jol men 55 kópirdi zaqymdap, 26 teńiz portynyń jumysyn toqtatty.
58 qalada elektr qýaty úzilgen, sonyń ishinde 34 qalada ol qalpyna keltirildi, 9 mýnıtsıpalıtette sýmen jabdyqtaý, úsheýinde - kommýnıkatsııa máseleleri bar. 554 qala men 134 mýnıtsıpalıtette oqý oryndaryndaǵy sabaq men kásiporyndarda jumys toqtatyldy. 33 eldi mekende tótenshe jaǵdaı engizildi.
Fılıppın úkimeti kómekke 74,2 mln peso (1,35 mln dollar) bóldi.
Foto: ru.oxu.az