Fılıppındegi «Sarıka» daýylyna baılanysty 12 myńnan astam turǵyn kóshirildi
ASTANA. QazAqparat - Fılıppın bıligi eldiń soltústigine jaqyndaǵan qýaty jaǵynan úshinshi sanattaǵy «Sarıka» daýylynan 12,5 myńnan astam turǵyndy qaýipsiz jerge kóshirdi, dep habarlady Reıter agenttigi.
Meteorologtardyń málimetterine sáıkes, jaǵaǵa jetkenshe daýyl jyldamdyǵy saǵatyna 150 shaqyrymnan 130 shaqyrymǵa tómendegen, dep jazdy RIA Novostı. Ázirge «Sarıka» batysqa, Ońtústik Qytaı teńizine qaraı jyljýda.
Assoshıeıted Press agenttiginiń habarlaýynsha, daýyl eki admnyń ómirin qıdy.
Sonymen birge, mamandar senbi kúni Gýam aralynyń ońtústiginde paıda bolǵan «Haıma» daýylyn da baqylaýda, boljam boıynsha «Haıma» dúısenbi kúni Fılıppın araldaryna jaqyndaýy múmkin.
Tabıǵı apatqa baılanysty, fılıppındik áýe kompanııalary halyqaralyq jáne ishki reısterdiń bir bóligin toqtatty, 6,5 myńnan astam jolaýshy teńiz porttarynda turyp qaldy. Sarapshylardyń aıtýynsha, bıyl «Sarıka» Fılıppın úshin jyldyń eń joıqyn daýyly atanýy múmkin.
