Fılıppındegi «Naldjı» daýylynyń saldarynan 110 adam qaza tapty
BANGKOK. TASS - QazAqparat - Fılıppındegi «Naldjı» tropıkalyq daýyly saldarynan 2,41 mln adam zardap shekti. Táýekelderdiń aldyn alý jáne tabıǵı apattardy joıý jónindegi ulttyq keńestiń seısenbide jarııalanǵan esebine sáıkes, 110 adam apattyń qurbany boldy, dep habarlaıdy QazAqparat TASS-qa silteme jasap.
Vedomstvonyń málimetinshe, qonys aýdarǵan 865,9 myń adam 2,72 myń evakýatsııalyq ortalyqqa ornalastyryldy. 347,4 myńnan astam adam úılerin aldyn ala tastap ketken. Kem degende 101 adam túrli jaraqat alyp, 33-i habar-osharsyz ketti.
Daýyl 5,03 myń úıge zaqym keltirip, 55 ınfraqurylymdyq nysanǵa 760,3 mıllıon peso ($13,04 mıllıon) shyǵyn ákelgen. Apat saldarynan 422 jol men 101 kópir zaqymdaldy. 294 qalada elektr symdary úzilgen.
670 oqý ornynda sabaq jáne 230 kásiporynda jumys toqtatyldy. 160 qala men mýnıtsıpalıtette apat rejımi saqtaýly. Aýyl sharýashylyǵyna keltirilgen shyǵyn 1,3 mıllıard pesoǵa ($22,37 mıllıon) baǵalanady. Úkimet kómek kórsetýge 50,3 mln peso ($865,8 myń) bóldi.
Foto: tass.ru
