Fılıppındegi eń baı adam ómirden ozdy
ASTANA. QazAqparat - Fılıppınde SM Investments Corporation (SMIC) kompanııasynyń negizin qalaýshy ári ınvestor, bıznes-magnat, eldiń eń baı turǵyny Genrı Sı 94 jasynda qaıtys boldy, dep habarlaıdy QazAqparat CNN Philippines telearnasyna silteme jasap.
«Ol baqytty adam edi, ol álemdi jaqsartqanyn biletin. Ol Fılıppındegi bólshek saýdanyń, bankıng jáne jyljymaıtyn múlik naryǵynyń atasy boldy. Bárinen buryn ol balalaryn jaqsy kóretin áke, izgi jan boldy», - deıdi SMIC dırektorlar keńesiniń tóraǵasy Hose Sıo.
Aıta keteıik, 2018 jyly Genrı Sı Forbes jýrnalynyń tujyrymy boıynsha, Fılıppınniń eń baı adamdary tiziminde kósh bastap turǵan. Onyń tabysy 18,3 mlrd AQSh dollaryn qurady.
