Fılıppındegi alapat taıfýn: 100 myń adam kóshirildi

ASTANA. QazAqparat - Adamdar úshin qaýipti «Nok-ten» taıfýny jeksenbi kúni Fılıppınniń shyǵys bóligin qıratyp ketti, dep habarlaıdy Frans Press agenttigi. Bul aýmaqtyń turǵyndaryn kóshirý senbi kúni bastalǵan edi.

Bıkolsk aımaǵyndaǵy Katandýanes araly arqyly uıtqı soqqan daýyldyń jyldamdyǵy saǵatyna 235 shaqyrymdy qurady (sekýndyna 70 metr), dep jazady RIA Novostı.

Bılik ázirge tabıǵı apattyń keltirgen zııany jóninde habarlaǵan joq. Senbi kúni áskerı jáne jergilikti ákimshilik Bıkolsk jarty aralyndaǵy Katandýanestiń jaǵalaýǵa jaqyn aýdandarynan, sondaı-aq ózge de jerlerden 100 myńnan astam adamnyń evakýatsııalanǵany jaıly málimdedi.