Fılıppındegi jer silkinisinen qaza tapqandar sany 55-ke jetti
ASTANA.KAZINFORM - Fılıppınniń Mındanao aralynyń jaǵalaýyndaǵy jer silkinisinen 1120 adam jaraqat alyp, kem degende 55 adam qaza tapty, dep habarlaıdy Sınhýa.
Ulttyq apat qaýpin azaıtý jáne basqarý keńesiniń málimeti boıynsha, aralda izdeý-qutqarý jumystary áli júrip jatyr.
Esterińizge sala keteıik, jer silkinisi Mındanao aralyndaǵy mektepter, aýrýhanalar jáne turǵyn úılerdi qosa alǵanda, shamamen 1900 ǵımaratqa zaqym keltirdi. Olardyń 1500-i tolyǵymen qırady.
Heneral-Santos qalasynda tótenshe jaǵdaı jarııalandy. Halyqaralyq áýejaıǵa zaqym keltirilip, bul reısterdiń toqtatylýyna ákep soqty.
Buǵan deıin Fılıppınde 7,8 baldyq jer silkinisi bolyp, tsýnamı qaýpi jarııalanǵanyn habarlaǵan edik.
