Fılıppındegi tropıkalyq daýyldan qaza tapqandar sany 48-ge jetti
MANILA. KAZINFORM – Fılıppındegi Batchoı jáne Karına tropıkalyq daýyldary saldarynan bolǵan sý tasqyny men kóshkinnen qaza tapqandar sany 48-ge jetti. Bul týraly Anadoly habarlady.
Fılıppınniń tabıǵı apattar qaýpin azaıtý jáne basqarý jónindegi ulttyq keńesine silteme jasaǵan PNA agenttiginiń habarlaýynsha, tropıkalyq daýyldardan 6,2 mıllıon adam zardap shekken jáne barlyǵy 8 574 ǵımarat zaqymdanǵan.
Sondaı-aq, 36 myńǵa jýyq adam evakýatsııalyq ortalyqtarǵa ornalastyrylǵan.
Shilde aıynda Fılıppındi soqqan tropıkalyq tsıklondar elde shamadan tys jaýyn-shashyn, sý tasqyny men kóshkinderdi týdyrdy.
118 provıntsııa men aýdanda tótenshe jaǵdaı jarııalandy.
Buǵan deıin Úndistandaǵy kóshkin qurbandarynyń sany 358 adamǵa jetkeni týraly jazǵan bolatynbyz.
