Fılıppındegi qýatty jer silkinisi saldarynan 7 adam mert boldy
ASTANA. KAZINFORM – Fılıppınde 10 qazan kúni bolǵan 7,4 jáne 6,7 magnıtýdalyq eki jer silkinisi saldarynan 7 adam mert boldy, dep habarlaıdy Anadoly.
Fılıppınniń tabıǵı apattardyń qaýipin azaıtý jáne olardy basqarý jónindegi keńes málimetterinshe, zilzala 8 myń 436 adamnyń ómirine zalalyn tıgizgen.
Habarlamaǵa sáıkes, 1 265 adam qaýipsiz aýdandarǵa kóshirildi, al 7915 adam úılerin tastap ketýge májbúr boldy.
Qazamattyq qorǵanys basqarmasynyń habarlaýynsha, jer silkinisi saldarynan 7 adam mert bolyp, 11 adam zardap shekken.
Fılıppınniń ońtústigindegi Mındanao araly jaǵalaýynda magnıtýdasy 7,4 jáne 6,7 bolatyn eki kúshti jer silkinisi shamamen 10 saǵat aıyrmashylyqpen boldy.
Buǵan deıin, 30 qyrkúıekte, Palomponnyń batys jaǵalaýynda magnıtýdasy 6,9 jer silkinisi tirkelip, sonyń saldarynan 70-ten astam adam qaza tapqan bolatyn.
Fılıppın — seısmıkalyq belsendiligi eń joǵary elderdiń biri. El aýmaǵy Tynyq muhıtyndaǵy «Otty sheńber» dep atalatyn aımaqta ornalasqan. Bul aımaq janartaýlyq jáne jer silkinisi belsendiligi joǵary aımaq retinde belgili.
Osyǵan deıin habarlaǵanamyzdaı, Fılıppınde tsýnamı qaýpi týraly eskertý jarııalanǵan bolatyn.
