Fılıppındegi dúleı daýyldan 8 adam qaza tapty

ASTANA. KAZINFORM — Jeksenbi kúni Fılıppınge jetken «Fenshen» tropıkalyq daýylynan 8 adam kóz jumyp, 2 turǵyn iz-túzsiz joǵalyp ketti, dep habarlaıdy Kazinform Sınhýa agenttigine silteme jasap.

Manılanyń ońtústik-shyǵysyndaǵy Keson provıntsııasyndaǵy Pıtogo mýnıtsıpalıtetinde aǵash qulap, 5 adam qaza tapty. Eldiń ortalyq bóligindegi Batys Vısaıas aımaǵynda taǵy 3 adam opat boldy. Bul týraly Fılıppınniń azamattyq qorǵanys agenttigi jazdy. 

— Eldiń ońtústigindegi Býkıdnon provıntsııasyndaǵy Keson mýnıtsıpalıtetindegi kóshkinnen keıin iz-túzsiz joǵalǵan eki adamdy izdestirý jumystary júrip jatyr, - dep habarlady Dj.Kastılo. 

Eske sala keteıik, buǵan deıin Fılıppınde tsýnamı qaýpi týraly eskertý jarııalanǵanyn jazǵanbyz.