Fılıppındegi ASEAN sammıtinde energetıkalyq daǵdarys basty taqyryp bolady
ASTANA. KAZINFORM — Ońtústik-Shyǵys Azııa elderi qaýymdastyǵynyń (ASEAN) basshylary Fılıppınde Taıaý Shyǵystaǵy energetıkalyq daǵdarys pen turaqsyzdyqtyń aımaq ekonomıkasyna áserin sheshý úshin kelissózder ótkizedi, dep habarlaıdy Report.
Kezdesýler beısenbi jáne juma kúnderi Sebý aralynda ótedi. Onda 11 ASEAN eliniń kóshbasshysy, syrtqy saıasat jáne ekonomıkalyq vedomstvo basshylary qatysady.
Fılıppın syrtqy ister mınıstri Marııa Tereza Lazaronyń aıtýynsha, kezdesýlerde basymdyq beriletin máseleler — energetıkalyq jáne azyq-túlik qaýipsizdigi. Bul taqyryptar shamamen 700 mıllıon turǵyny bar aımaq úshin erekshe mańyzdy. Sondaı-aq bul másele janarmaı ımportyna táýeldi.
Dıplomattar men sarapshylar qazirgi jaǵdaı Fılıppınniń ASEAN tóraǵalyǵyna aýyr synaq bolatynyn atap otyr. Manıla syrtqy ekonomıkalyq qaýipterge qarsy aımaqtyq sharalardy úılestirýi qajet, sonymen qatar birikken uıymnyń ishki máselelerin kún tártibinde ustaýy tıis. Olardyń qatarynda Mıanmadaǵy azamattyq qaqtyǵys, Ońtústik Qytaı teńizindegi shıelenis, sondaı-aq ótken jyly adam shyǵynyna ákep soqqan Taıland pen Kambodja arasyndaǵy áli sheshilmegen daýly shekara máselesi bar.
Eske sala keteıik, naýryz aıynda Fılıppınniń energetıka salasynda tótenshe jaǵdaı jarııalandy.
