Fılıppınde jolaýshylar kemesi sýǵa ketip, 33 adam qaza tapty
ASTANA. QazAqparat - Bortynda 173-ke jýyq adam bolǵan jolaýshylar saly Leıte provıntsııasynyń jaǵalaýynda apatqa ushyrady.
Fılıppın jaǵalaý kúzeti qyzmetiniń ókilderi habarlaǵandaı, qazirgi ýaqytqa deıin 33 adamnyń qaıtys bolǵany rastaldy, qalǵan jolaýshylardy izdestirý jalǵastyrylýda.
Apatqa sebep bolǵan qolaıyz aýa raıy bolýy múmkin deıdi qutqarýshylar. Qatty tolqyn saldarynan keme aýdarylyp ketken bolýy yqtımal, dep habarlady TASS.
Fılıppınde teńizde apat jıi oryn alady. Olardyń eń irisi 1987 jylǵy jeltoqsanda jolaýshylar kemesi men munaı quıatyn tankerdiń soqtyǵysýy saldarynan 4 myńǵa jýyq adam ajal qushqan bolatyn.
