Fılıppınde jol apatynan jeti adam qaza taýyp, beseýi zardap shekti
ASTANA. QazAqparat - Sársenbi kúni tańerteń Fılıppınniń soltústiginde júk kóliginiń júrgizýshisi rýldi basqara almaı, jol boıyndaǵy meıramhanaǵa soqtyǵysqan. Saldarynan jeti adam mert bolyp, beseýi jaraqattandy, dep habarlaıdy Sınhýa.
Jergilikti polıtsııanyń málimetine qaraǵanda, sársenbi kúni 06:00-de el astanasy Manılanyń ońtústiginde 120 shaqyrym qashyqtyqta ornalasqan Batangas provıntsııasynda qant quraǵyn áketip bara jatqan júk kóliginiń júrgizýshisi rýldi basqara almaı, jol boıyndaǵy meıramhanaǵa soqtyǵysqan, sondaı-aq meıramhana mańynda turǵan bes avtomobıldi janshyp óte shyqqan.
Apat saldarynan meıramhanadaǵy tórt adam oqıǵa ornynda, úsheýi aýrýhanada qaza tapsa, zardap shekken beseýi aýrýhanaǵa jetkizilgen.
Polıtsııa apattyń mán-jaıyn habarlaǵan joq. Tek júk kóligi júrgizýshisiniń oqıǵa ornynan qashyp ketkeni jáne izdeý salynǵany málim boldy.
Foto: © AFP 2018 / Jay Directo
