Fılıppınde jasóspirimder arasynda tennısten Azııa chempıonaty bastaldy

ASTANA. KAZINFORM — Qazaqstandyq jasóspirimder Fılıppınde 14 jasqa deıingiler arasynda jekeleı synda bastalǵan Azııa chempıonatynda óner kórsetedi.

Qazaqstan namysyn Asqar Ámir, ıAsmın Dúısembaeva jáne Sofııa Malysheva qorǵaıdy. 

Qazaqstandyq jasóspirimder 2025 jyly tabysty óner kórsetýleri nátıjesinde atalmysh jarysqa Azııa tennıs federatsııasynan (ATF) shaqyrtý aldy.

Bul týrnırdiń mańyzdylyǵy sol, jeńimpazdar aldaǵy jyly Aýstralııa ashyq chempıonatynyń ekinshi aptasynda ótetin Elite Junior Trophy 14 & Under jarysyna joldama alady.

Qazaqstandyq jasóspirimder osyǵan deıin Elite Junior Trophy 14 & Under sheberlikterin tanyta bildi. Albına Kákenova 2023 jyly, Eva Korysheva 2024 jyly fınalǵa deıin jetti. 2025 jyly Rodıon Traıgel tájirıbe jınaqtap qaıtty. 

Eske sala keteıik, budan buryn qazaqstandyq jas tennısshilerdiń Astanadaǵy týrnırdiń chempıony atanǵanyn jazǵan edik.