Fılıppınde janartaýǵa baılanysty myńdaǵan adam evakýatsııalandy
NUR-SULTAN. QazAqparat – Manıladan ońtústikke qaraı Taal janartaýy mańyndaǵy aýdanda qaýiptilik deńgeıi bes baldyq shkala boıynsha ekinshi deńgeıden tórtinshi deńgeıge kóterildi. Manıla áýejaıy ýaqytsha jumys istemeı tur, dep habarlaıdy dep habarlaıdy QazAqparat dw.com saıtyna silteme jasap.
Jeksenbi, 12 qańtarda Manıladan ońtústikke qaraı 80 shaqyrym jerde ornalasqan Taal janartaýy oıanyp, bir shaqyrym bıiktikke kúl atqylady.
San-Nıkolas, Balete jáne Talısaı eldi mekenderindegi alty myńnan astam adam ketýge májbúr bolyp otyr. Batangas provıntsııasynda taıaý kúnderi 300 myń adam evakýatsııalanýy múmkin. Ázirge tabıǵat apatynan eshkim zardap shekpedi.
Janartaý aýdanynda magnıtýdasy 3,9 deńgeıge jetetin jer silkinisi tirkeldi. Bul aımaqtaǵy qaýiptilik deńgeıi bes baldyq shkala boıynsha bir kúnniń ishinde ekinshi deńgeıden tórtinshi deńgeıge kóterildi. Manıla áýejaıy ýaqytsha qyzmetin toqtatty. Seısmologtardyń málimetinshe, taıaý ýaqytta janartaý atqylaýy yqtımal.
