Fılıppınde janartaýdyń atqylaý saldarynan 14 qala jabyldy
NUR-SULTAN. QazAqparat – Taal janartaýynyń atqylaýyna baılanysty jergilikti turǵyndar úshin Fılıppınniń Batangas provıntsııasynda jabylyp qalǵan qalalardyń sany 14-ke deıin ósti, dep habarlaıdy ABS-CBN telearnasy.
Buǵan deıin Fılıpınniń tórt qalasynyń jabylǵanyn habarlanǵan bolatyn.
Jergilikti tabıǵı apattardyń saldaryn basqarý jáne azaıtý jónindegi jergilikti basqarma basshysy Lıto Kastronyń aıtýynsha, juma kúni 14 shaqyrym radıýstaǵy qaýipti aımaqta turatyn barlyq jergilikti turǵynǵa úılerine oralýǵa tyıym salynǵan. Kastro juma kúngi málimet boıynsha 66 myńnan astam adam 283 evakýatsııalyq ortalyqqa jaıǵastyrylǵanyn atap ótti.
Eske sala keteıik, ótken jeksenbi kúni Taal janartaýy oıanyp, bir shaqyrym bıiktikke kúl atqylady.
Janartaýdyń atqylaýy saldarynan Fılıppın bıligi Batanges provıntsııasyndaǵy úsh eldi mekenindegi 80 myńnan astam adamdy evakýatsııalaýǵa kirisken bolatyn