Fılıppınde teńiz daýyly saldarynan 72 adam mert boldy
MANILA. QazAqparat – Fılıppınde sý tasqyny men laı kóshkinine alyp kelgen «Naldjı» teńiz daýylynan qaza bolǵandar sany 72-ge jetti. Bul týraly Dúleı apattar qaýpin azaıtý jáne olardyń saldaryn joıý jónindegi ulttyq keńestiń resmı ókili Rafaelıto Alehandronyń sózine silteme jasap Sınhýa jazdy, dep habarlaıdy QazAqparat.
Onyń sózinshe, qaza bolǵandardyń deni – 67 adam Fılıppın ońtústigindegi Magındanao provıntsııasynda turyp jatqan. 14 adam iz-túzsiz joǵalǵandar tiziminde.
Іshki ister jáne jergilikti ózin-ózi basqarý mınıstri Magındanao Nagıb Sınarımbonyń aıtýynsha, óńirdegi 9 qala sý astynda qalǵan. Al Kotabato qalasynyń kóp bóligin kóp jyldan beri alǵash ret mol sý basty.
Jergilikti BAQ-tyń málimetinshe, aýyldardyń birinde laı kóshkininen kem degende 50 adam kóz jumdy.
«Naldjı» - Fılıppınge bıyl tóngen 16-ynshy tsıklon.
