Fılıppınde taıfýn qurbandarynyń sany 169-ǵa jetti
NUR-SULTAN. QazAqparat - Fılıppındegi Tynyq muhıtyndaǵy «Raı» taıfýny saldarynan qurban bolǵandardyń sany 169-ǵa jetti. Kem degende 107 adam jaralandy, taǵy 50 adam iz-túzsiz joǵalyp ketti, dep habarlaıdy QazAqparat The Manila Times basylymyna silteme jasap.
Bıliktiń málimetinshe, qaza tapqandardyń eń kóp sany Ortalyq Vısaııa aımaǵynda – 129 adam, Batys Vısaııa aımaǵynda – 22, Karaga aımaǵynda – 10, Soltústik Mındanaoda – jeti, Zamboanga túbeginde taǵy bir adam tirkelgen.
Buǵan deıin France-Presse agenttigi tabıǵı apat saldarynan 108 adamnyń opat bolǵanyn habarlaǵan.
Fılıppınniń Shyǵys Vısaııa aımaǵynyń bıligi taıfýnnyń jaqyndaýyna baılanysty 82 myńnan astam jergilikti turǵyndy evakýatsııalady. Turǵyndar Ońtústik Leıte, Leıte, Samar, Shyǵys Samar, Soltústik Samar jáne Bılıran provıntsııalaryndaǵy 274 evakýatsııalyq ortalyqqa kóshirildi.
Vetnamnyń Gıdrometeorologııalyq boljaý ulttyq ortalyǵynyń málimetinshe, taıfýnnyń epıtsentri Vetnamnyń Bındın provıntsııasyna qaraı jyljýda.
