Fılıppınde sýǵa batqan tankerden mazýt tógildi
ASTANA. QazAqparat – Fılıppınde sýǵa batqan tankerden mazýt tógilip, 4 birdeı mýnıtsıpalıtettiń jaǵalaýyna jaıylǵan, dep habarlaıdy QazAqparat tilshisi.
Tassagenttiginiń málimeti boıynsha, tankerde 800 myń lıtr mazýt bolǵan.
Eldiń Qorshaǵan orta jáne tabıǵı resýrstar mınıstri Marııa Antonıo ıÝlo-Loızagtyń aıtýynsha, mazýttan paıda bolǵan daq Pol, Pınamalaıan, Glorııa jáne Bongabong mýnıtsıpalıtetteriniń jaǵalaýyna jetken.
«Princess Empress atty tankerde óndiriste qoldanýǵa arnalǵan 800 myń lıt mazýt tıeýli bolǵan. Keme sýǵa batyp, teńiz betinde alyp daq paıda bolǵan. Qorshaǵan orta jáne tabıǵı resýrstar mınıstri Marııa Antonıo ıÝlo-Loızagtyń aıtýynsha, oqys oqıǵa Shyǵys Mındoro provıntsııasynyń aýmaǵynda bolǵan. Onyń sózinshe alyp daq bes birdeı mýnıtsıpalıtettiń jaǵalaýyna jetken. «Tógilgen mazýt ońtústikke qaraı qalqyp bara jatqanǵa uqsaıdy», - degen habar taratty jergilikti CNN Philippines telearnasy.
Mamandar daq taraǵan 12 orynnan synama alyp jatyr. Úkimettiń boljamyna súıensek, alyp daq radıýsy 40 shaqyrym aýmaqqa áserin tıgizýi múmkin. Erteń mamandar daq taraǵan aýdandardyń halqymen kezdesip, oqıǵanyń zııanyn eseptemekshi.
