Fılıppınde sý tasqynynan qurban bolǵandar sany ósti

ASTANA. QazAqparat – Fılıppınde sý tasqyny saldarynan kem degende 33 adam qaza taýyp, jeteýi iz-túzsiz ketkender tiziminde. Tabıǵı apattyń aldyn alý jáne joıý jónindegi keńestiń beısenbide taratylǵan esebinde atap ótilgendeı, qolaısyz aýa raıy respýblıkanyń 14 óńirinde 1,67 mln-nan astam adamǵa zııan keltirdi. Buǵan deıin 29 adamnyń qaza tapqany týraly málim taratylǵan edi, dep habarlaıdy QazAqparat TASS-qa silteme jasap.

Agenttińtiń málimetinshe, 266,3 myń adam 512 evakýatsııalyq ortalyqqa ornalastyrylǵan. Kem degende 14,3 myń adam úılerin tastap ketip, 12 azamat túrli jaraqat aldy. 14 óńirde sý tasqyny men kóshkinge baılanysty myńnan astam oqıǵa tirkeldi. Apat 1,67 myń úıge quny 3,71 mıllıon peso (67,9 myń dollar) zaqym keltirdi. 193 ınfraqurylymdyq nysanǵa keltirilgen zalal 206,9 mln pesoǵa ($3,78 mln), aýyl sharýashylyǵyna - 439,9 mln pesoǵa ($8,04 mln) baǵalanyp otyr.

Sý tasqyny 263 jol men 62 kópirge zaqym keltirdi, 26 teńiz portynyń jumysyna kedergi bolǵan. 606 qala men 148 mýnıtsıpalıtette oqý oryndaryndaǵy sabaqtar men kásiporyndardaǵy jumys toqtatyldy. 59 eldi mekende apat rejımi engizildi.

Úkimet kómek kórsetýge 86,8 mln peso ($1,58 mln dollar) bólip otyr.

Foto: aa.com.tr