Fılıppınde sý tasqynynan qaza tapqandar sany 52-ge jetti
BANGKOK. TASS - QazAqparat – Fılıppınde nóser jaýynnan bolǵan sý tasqynynan kem degende 52 adam qaza taýyp, 18 adam iz-túzsiz joǵalyp ketti. Bul týraly QazAqparat TASS aqparat agenttigine silteme jasap habarlaıdy.
Tabıǵı apat qateriniń aldyn alý jáne saldaryn joıý jónindegi ulttyq keńestiń sársenbide jarııalanǵan baıandamasynda sý tasqynynan respýblıkanyń 10 óńirinde 640,7 myńnan astam adam zardap shekkeni aıtylǵan.
Vedomstvo málimetinshe, 170 evakýatsııa ortalyǵyna 67,2 myń adam ornalastyrylǵan.
Kem degende 1,42 myń adam úıin tastap ketken, 16 adam túrli dene jaraqatyn aldy. Respýblıkanyń toǵyz oblysynda sý tasqyny men kóshkinnen bolǵan 479 oqıǵa tirkeldi.
Tabıǵı apattan eldegi 4,68 myń úıge 100 mln peso (1,78 mln dollar) somasynda zııan keldi. 103 ınfraqurylym nysanyna kelgen shyǵyn 262 mln pesoǵa (4,68 mln dollar), aýyl sharýashylyǵyniki 245 mln pesoǵa (4,37 mln dollar) baǵalanǵan.
Sý tasqyny 141 jol men 14 kópirdi zaqymdap, 19 teńiz porty zardap shekti.
63 qalada elektr qýaty berilmeı, 62 jeli qalpyna keltirildi. Keı jerlerde sýmen qamtamasyz etý máselesi bar.
67 qala men 71 mýnıtsıpalıtette oqý oryndaryndaǵy sabaq pen kásiporyndar jumysy toqtatyldy. 22 eldi mekende tótenshe jaǵdaı rejımi engizilgen.
El úkimeti kómekke 48,4 mln peso (866,3 myń dollar) bóldi.
Foto: apa.az
