Fılıppınde sý tasqynynan 25 adam qaza tapty
MANILA. SINЬHÝA - QazAqparat - Sársenbide Fılıppınniń qaýip-qaterdiń aldyn alý jáne tabıǵı apattardy joıý jónindegi ulttyq keńesi eldiń kóptegen aýdandarynda birneshe kún boıy nóser jańbyr jaýyp, sý tasqyny bolǵanyn habarlady.
Nátıjesinde 25 adam qaıtys boldy, taǵy 26 adam habar-osharsyz ketti. Bul týraly QazAqparat Sınhýa agenttigine silteme jasap habarlaıdy.
Fılıppınniń 9 aýdanynda 390 myń adam zardap shekti. Úıler, joldar men kópirler zaqymdalǵan. Fılıppınniń ońtústik aýdandarynda qaza tapqandar sany 18 adamǵa jetti, Lýsonnyń shyǵysyndaǵy Bıkol aımaǵynda jáne Fılıppınniń ortalyq aýdandarynda sáıkesinshe bes jáne eki ólim tirkeldi.
Fılıppınniń ulttyq aýa raıy qyzmeti sýyq jáne jyly aýanyń qıylysýynan týyndaǵan qatty jaýyn-shashyn azaıǵanymen, 27 jeltoqsanda keshke Fılıppınniń ońtústigindegi Mındanao aralynan shyǵysqa qaraı 600 km jerde tirkelgen tómen qysymdy aımaq tropıkalyq tómen qysymǵa ótýi múmkin ekenin eskertti.
Foto: REUTERS/Philippine Coast Guard
