Fılıppınde sý tasqynynan 17 adam kóz jumdy
BANGKOK. TASS-QazAqparat – Fılıppınde sý tasqynynan 17 adam qaza taýyp, ekeýi iz-túzsiz joǵalyp ketken. Táýekelderdiń aldyn alý jáne tabıǵı apatty joıý jónindegi ulttyq keńestiń esebinde kórsetilgendeı, tabıǵat qubylysy respýblıkanyń 13 óńirindegi 523,9 myńnan astam adamǵa kesirin tıgizgen, dep habarlaıdy QazAqparat TASS-qa silteme jasap.
Vedomstvonyń málimetinshe, qonys aýdarǵan 71,4 myń adam 123 evakýatsııalyq ortalyqqa ornalasqan. Shamamen 5,89 myń adam úılerin aldyn ala tastap ketken, jeti adam túrli jaraqat aldy. Respýblıkanyń 12 óńirinde apatqa baılanysty 730 oqıǵa tirkeldi, olardyń arasynda sý tasqyny men laı kóshkini bar.
Tabıǵı apat 2,4 mıllıon peso (43,6 myń dollar) turatyn 530 úıge zaqym keltirdi. 137 ınfraqurylymdyq nysanǵa 165,7 mln peso (3 mln dollar), aýyl sharýashylyǵyna 278,3 mln peso (5,05 mln dollar) zalal keltirilgen.
Sý tasqyny 158 jol men 42 kópirdi búldirdi, 24 teńiz portynyń jumysyna zııanyn tıgizdi. 40 qalada elektr qýaty úzilip, 27 qalada qalpyna keltirildi. Bes mýnıtsıpalıtette sýmen jabdyqtaý problemalary bolsa, beseýinde baılanys úzilgen.
Sondaı-aq, 488 qala men 110 mýnıtsıpalıtette sabaqtar men kásiporyndar jumysy toqtatyldy. Bes eldi mekende apat rejımi engizildi. Úkimet kómek kórsetýge 30,9 mln peso (5 562,3 myń dollar) bólgen.
Foto: media.az
