Fılıppınde paromnyń apatqa ushyraýy kezinde shamamen 300 adam habar-osharsyz ketken
ASTANA. 17 tamyz. QazAqparat - Fılıppın jaǵalaýynda paromnyń apatqa ushyraýy kezinde 24 adam qaza taýyp, taǵy 274 adam habar-osharsyz ketken bolyp esepteledi, dep habarlaıdy RBK.
Bortta bolǵan 870 adamnyń 572-si jaǵaǵa jetkizilgen. Qutqarýshylar joǵalyp ketken adamdar kemeniń ishinde qalyp qoıǵan bolýy múmkin dep joramaldaıdy, dep habarlaıdy RBK.
Apat juma kúni, 16 tamyz kúni keshke oryn alǵan. 904 jolaýshy sııatyn "Áýlıe Foma Akvınskıı" paromy Sebý aralyndaǵy aralyq aıaldamaǵa toqtap, Mındanaodan Manılaǵa reıspen qatynaǵan.
Jaǵadan shamamen 2 shaqyrym qashyqtyqta parom "Sýlpısıo" júk kemesimen soqtyǵysyp qalǵan, sońynan bir jaqqa aýyp ketip, ekpinmen sý astyna ketken.
Qutqarylǵandardyń sózine qaraǵanda, apat keshki mezgilde (jergilikti ýaqyt boıynsha saǵat 21.00-de) oryn alǵandyqtan, kóptegen jolaýshylar uıyqtap jatqan. Palýbaǵa jetip úlgergender qarańǵyda bortqa qaraı sekirgen.
Batyp bara jatqan paromnan jolaýshylardy TJ aýdanyna baǵyttalǵan jaǵalaý kúzeti kemeleri, sondaı-aq, oqıǵa ornyna jaqyn jerdegi kemeler qutqarǵan.
Fılıppın 1987 jylǵy jeltoqsanda "Donıa Pas" paromy "Vektor" tankerimen soqtyǵysyp qalǵannan keıin jolaýshylar kemesiniń sýǵa batyp, apatqa ushyraýynan qaza tapqan adamdar sany jaǵynan álemdegi eń iri oryn boldy. Ol kezde paromnyń 4 myń 375 jolaýshysy jáne tanker ekıpajynyń 11 múshesi qaza tapqan bolatyn.
