Fılıppınde parom aýdarylýynan 70-ke tarta adam habar-osharsyz ketti
ASTANA. QazAqparat - Fılıppın mańynda parom aýdarylýy saldarynan keminde 70-ke tarta adam habar-osharsyz ketti. Bul týraly senbi kúni jergilikti ókimet ókilderi málim etti, dep habarlady ITAR-TASS Agence France-Presse agenttigine silteme jasap.
Bortynda keminde 84 adam bar keme Leıte araly mańynda (Fılıppın arhıpelagynyń ortalyq bóligi) sýǵa batyp ketti. Oqıǵa ornynda qutqarýshylar jumys jasaýda. Tiri qalǵan adamdardy izdestirýge aýa raıynyń nashar bolýy qıyndyq keltirýde. Qazirge deıin 14 adam ǵana qutqaryldy.
Keıbir málimetterge qaraǵanda, parom Fılıppınge tónip kele jatqan «Kalmedjı» taıfýnynyń kesirinen baǵytynan adasyp qalýy múmkin.
Ótken jyly da Fılıppınde parom aýdarylyp, 64 adam qazaǵa ushyraǵan bolatyn.
