Fılıppınde parom aýdarylyp, júzdegen jolaýshy joǵalyp ketti
ASTANA.KAZINFORM - Fılıppınniń ońtústiginde Trisha Kerstin 3 paromynyń aýdarylýynan qaza tapqandar sany 7-den 13-ke deıin ósti, dep habarlaıdy News 5.
Arna málimetinshe, borttaǵy 342 jolaýshynyń 100-den astamy áli habar-osharsyz. 200-den astam adam qutqaryldy.
Oqıǵa bolǵan aımaqta izdeý-qutqarý operatsııasy júrip jatyr.
Fılıppın sheneýnikteri 350-den astam adamdy tasymaldaǵan parom batyp ketkenin, al qutqarýshylar 200-den astam jolaýshyny qutqarǵanyn málimdedi.
Philippine officials say ferry carrying more than 350 people has sunk and rescuers have saved more than 200 passengers. - reports
— AZ Intel (@AZ_Intel_) January 25, 2026
pic.twitter.com/aAfXwhPBVB
Buǵan deıin Fılıppınde «Kalmaegı» taıfýnynan 200-den astam adam qaza tapqany aıtylǵan. Sodan keıin apat eldiń eń iri aral toptaryndaǵy 24 provıntsııaǵa: Lýson, Vısaıas jáne Mındanaoǵa áser etti.