Fılıppınde oıanǵan janartaý bes adamnyń ómirin qıdy
ASTANA. 8 mamyr. QazAqparat - Fılıppınde Maıon janartaýynyń oıanýy saldarynan kem degende bes adam qaza boldy.
Bul týraly VVS habarlady.
Bıiktigi 2,5 shaqyrym Maıon óńirdegi belsendi janartaý bolyp tabylady. Janartaýdan kúl men taý jynystary taý bókterinde 20-ǵa jýyq adam júrgen kezde atqylaı bastaǵan.
Jergilikti bılik ókilderiniń habarlaýynsha, kem degen jeti adam jaraqat aldy. Sonymen qatar janartaýǵa órlep shyǵýǵa bekingen bir top adam oqshaýlanyp qalǵan. Atalǵan taýǵa qutqarýshylar toby attandy.
