Fılıppınde maımyl sheshegin juqtyrǵan taǵy 3 adam anyqtaldy

ASTANA. KAZINFORM – Fılıppınde maımyl sheshigin juqtyrýdyń taǵy 3 jaǵdaıy anyqtalyp, atalǵan eldegi naýqastardyń jalpy sany 8-ge jetti. Bul týraly Sınhýa agenttigi jazdy.

Fılıppınniń densaýlyq saqtaý hatshysy Teodoro Gerboza maımyl sheshegi vırýsy Manıladan kelgen 29 jáne 34 jastaǵy er adam jáne Manılanyń ońtústigindegi aımaqtan kelgen 29 jasar azamattan tabylǵanyn habarlady.

Onyń aıtýynsha, jańa naýqastarda MPXV II-niń jeńil túri bar. 

QR Densaýlyq saqtaý mınıstrliginiń resmı ókili, hatshynyń kómekshisi Albert Domıngo 2022 jyldyń shilde aıynan bastap Fılıppınde sheshek aýrýyn juqtyrýdyń 17 jaǵdaıy tirkelgenin habarlaǵan edi. 

– 2023 jyldan bastap 9 naýqas saýyǵyp ketti. 8 adam – sımptomdardy joıýdy kútip otyrǵan belsendi patsıentter, - dep tolyqtyrdy A.Domıngo.

A.Domıngo densaýlyq saqtaý mınıstrligi belsendi naýqastarmen tyǵyz baılanysta bolǵan adamdardy qadaǵalaýdy jalǵastyratynyn habarlady.