Fılıppınde «Lavın» taıfýny 15 adamnyń ómirin qıdy
ASTANA. QazAqparat - Ótken beısenbide Fılıppınniń soltústik bóliginde «Lavın» taıfýnynan qurban bolǵandar sany 15-ke jetti, dep málimdedi Tótenshe jaǵdaılar basqarmasy Ulttyq keńesiniń atqarýshy dırektory Rıkardo Halad (Ricardo Jalad), dep habarlady RIA Novostı.
«Qurbandar sany artýy múmkin. Sebebi Kagaıan provıntsııasynyń gýbernatory Manýel Mamba (Manuel Mamba) dzBB radıosynda taıfýnnyń ótýi kezinde taǵy tórt adamnyń qaza bolǵanyn aıtty», - dep habarlady GMA News ınternet portaly.
Fılıppın arqyly taıfýn qozǵalysy kezinde 230 myńdaı adam evakýatsııalandy, onyń 160 myńy úılerine qaıta almaıdy. Tabıǵı apat saldarynan 2 myńnan astam úı qırap, 12 myńyna zaqym kelgen. Daýyl jol qatynasyn buzyp, elektr júıesine zaqym keltirdi. Kagaıan provıntsııasy tolyqtaı jaryqsyz qaldy.
Jeksenbi tańerteń áli de 43 jol ýchaskesi qalpyna keltirilmegen bolatyn.
