Fılıppınde qutyra soqqan quıyn saldarynan 23 adam qaza tapty

MANILA. KAZINFORM – Eldegi tótenshe jaǵdaılar qaýpin azaıtý jáne basqarý jónindegi ulttyq keńes (NDRRMC) daýylǵa qatysty málimdeme jasady, dep jazady Anadoly Fılıppın aqparat agenttigine (PNA) silteme jasap.

NDRRMC málimetteri boıynsha, daýyldar 23 adamnyń ómirin qıdy, 13 adam jaraqat aldy jáne 15 adam iz-túzsiz joǵaldy.

Aqparat boıynsha mıllıonǵa jýyq adam daýyldan zardap shekken.

NDRRMC sonymen qatar 63 000 adamnyń qaýipsiz jerlerge evakýatsııalanǵanyn habarlady.

Aıta keteıik, tamyz aıynyń basynda Fılıppındegi Batchoı jáne Karına tropıkalyq daýyldary saldarynan bolǵan sý tasqyny men kóshkinnen 48 adam qaza tapqany týraly jazǵan edik.