Fılıppınde qýatty jer silkinisi bolyp, adamdar zardap shekti
NUR-SULTAN. QazAqparat – Fılıppınniń ońtústigindegi Mındao aralynda bolǵan 5,8 magnıtýdalyq jer silkinisiniń saldarynan 25 adam zardap shekti, ondaǵan qurylystar qıraǵan. Bul týraly QazAqparat Anadoly agenttigine silteme jasap habarlaıdy.
AQSh-tyń geologııalyq qyzmetiniń málimetteri boıynsha, jerasty dúmpýi jergilikti ýaqyt boıynsha saǵat 4:45-te Kantılan mýnıtsıpalıtetinen ońtústik-shyǵysqa qaraı 5 km qashyqtyqta sezilgen.
Fılıppın bıliginiń habarlaýynsha, jer silkinisiniń saldarynan keminde 25 adam zardap shekti. Sondaı-q shirkeý, órt sóndirý stantsııasy sııaqty ǵımarattar buzylyp, turǵyn úıler qıraǵan.
Fılıppındi basqarý, qaýip-qaterler men qaıǵyly jaǵdaılardy azaıtý jónindegi Ulttyq keńestiń málimdemesinde kóptegen úıler men ǵımarattardyń qıraǵandyǵy aıtylady. Sondaı-aq kóptegen úılerdiń qabyrǵalary jarylǵan.
Zilzala ásirese Karraskal, Kantılan, Karmen, Madrıd, Lanýza pen Kortes aýyldaryna kóp zardabyn tıgizgen.
Zardap shekkenderdiń barlyǵy aýrýhanalarǵa jetkizildi.
