Fılıppınde 6,9 baldyq jer silkinisi boldy

ASTANA. KAZINFORM – Fılıppınde magnıtýdasy 6,9 bolatyn jer silkinisi tirkeldi.

Jer asty dúmpýlerin Eýropa-Jerorta teńizi seısmologııalyq ortalyǵy (EMSC) tirkedi.

Zilzala  Bogo qalasynda boldy. Jerasty dúmpýleriniń oshaǵy 15 shaqyrym tereńdikte ornalasqan.

Áleýmettik jelilerde jer silkinisi kezinde túsirilgen kadrlar jarııalandy. Kýágerlerdiń aıtýynsha, Bantaıan aralyndaǵy katolık shirkeýi qulaǵan.

Sebý aralynyń soltústiginde bolǵan jer silkinisi saldarynan  26 adam qaza taýyp, taǵy 147 adam jaraqat alǵan.

Sebý – Vısaı araldar tobynyń ekonomıkalyq jáne saıası ortalyǵy. Munda halyqaralyq áýejaı, teńiz porttary ornalasqan jáne ol eldiń negizgi araldarymen baılanysty qamtamasyz etedi. 

Jergilikti bılik qıraǵan ǵımarattardyń alǵashqy sýretterin jarııalady. Qaza tapqandardyń kóbi Bogo qalasynda tirkelgen. Sonymen birge San-Remıhıo qalasynda da adam shyǵyny bar.

Aıta keteıik, 13 qyrkúıekte Kamchatkada qýatty jer silkinisi tirkelgen edi. Seısmologtar onyń magnıtýdasy 6,1 bolǵanyn habarlaǵan.