Fılıppınde keme apatqa ushyrap, 21 adam qaza tapty
MANILA. SINЬHÝA - QazAqparat – Manıladan shyǵysqa qaraı Rısal provıntsııasyndaǵy kólde jolaýshylar mingen keme apatqa ushyrap, 21 adam mert boldy. Bul týraly Fılıppın jaǵalaý kúzetiniń (FJK) resmı ókili kontr-admıral Armando Balılo telearnalardyń birine bergen suhbatynda málimdedi, dep habarlaıdy QazAqparat Sınhýa agenttigine silteme jasap.
«Bınangonan qalasynan 45 metr jerde jergilikti ýaqytpen kúndizgi saǵat bir shamasynda bolǵan apattan 21 adam qaza tapty», - dedi ol.
Áýelde FJK oqıǵa saldarynan 30 adam kóz jumǵanyn habarlaǵan bolatyn. Málim etilgendeı, keme Bınangonan qalasynan Fılıppındegi eń iri Baı kóli arqyly Talım aralyna bara jatqan.Mekeme dereginshe, sý kóligi daýyldy jelge tap bolyp, jolaýshylar úreılenip ketken. «Olar kemeniń sol jaq bortyna qashyp, saldarynan keme aýdarylǵan», - dep málim etti FJK-dan. Rısal provıntsııasynyń polıtsııasy 21 adam sýǵa batyp ketkenin, 40 adamdy aman alyp qalǵandaryn rastady. Apat Fılıppınnen «Doksýrı» taıfýnynyń beti qaıtqan kezde bolyp otyr. Taıfýn saldarynan sý tasyp, kóshkin júrdi jáne bes adam qaza tapqan edi. Eske salaıyq, Qytaı «Doksýrı» joıqyndy taıfýnynyń kelýine daıyndyq júrgizip jatqanyn jazǵan bolatynbyz.