Fılıppınde ıtterge arnalǵan festıval ótti
ASTANA. 27 qazan. QazAqparat - Fılıppınde jyl saıyn uıymdastyrylatyn «Itterge arnalǵan Helloýın» atty festıval ótti, dep habarlaıdy 24.kz.
Janýarlardy qorǵaý qoǵamy uıymdastyrǵan shara kezinde qojaıyndary salpań qulaqtarǵa qorqynyshty kostıýmder kıgizedi. Júzge jýyq talapker qatysqan bul sharadan túsken qarjy janýarlarǵa arnalǵan oryndarǵa aýdarylady. Aıta keteıik, úı janýarlaryn dáripteıtin eń úlken Helloýın Nıý-Iorkte 20 jyldan beri udaıy ótkizilip keledi. Oǵan jyl saıyn 500-den astam ıt-mysyqtar jınalady.
