Fılıppınde «Hagýpıt» taıfýnyna baılanysty 1 mln. adam qaýipsiz jerge shyǵaryldy
ASTANA. QazAqparat - Eldiń ortalyǵymen ótetin «Hagýpıt» taıfýnynyń saldarynan úıin tastap ketýge májbúr fılıppındikter sany dúısenbi kúni tańerteń bir mıllıonnan asty, dep habarlady sheteldik BAQ.
Qazirgi ýaqytta taıfýnnyń alǵashqy lebi Romblon aralynan soltústik-shyǵysqa qaraı 50 shaqyrym jerde jáne ol saǵatyna 10 km jyldamdyqpen soltústik-batysqa qaraı bet alǵan. «Hagýpıt» sál báseńdep, ondaǵy jel jyldamdyǵy saǵatyna 120 kılometrdi qurady, keı jerlerde jyldamdyǵy saǵatyna 150 kılometr boldy.
Aıta keteıik, jyl saıyn jaýyn-shashyn maýsymynda, maýsym aıynan jeltoqsan aıyna deıin Fılıppınde shamamen 20 daýyl men taıfýn bolady. Alaıda el tarıhynda eń kóp zardap ákelgeni sýpertaıfýn «Iolanda» (halyqaralyq klassıfıkatsııa boıynsha «Haııan»). Bul apat saldarynan qaza tapqandardyń sany búginniń ózinde artyp keledi. Qazir ol 6,3 myńnan asty.
Myńnan astam adam iz-túzsiz joǵalǵan bolyp esepteledi. Sýpertaıfýn 1,1 mıllıon úıdi buzyp, 4 mıllıon adamdy baspanasyz qaldyrdy.
