Fılıppınde eki adam «Noýl» taıfýnynyń qurbany boldy
ASTANA. QazAqparat - Fılıppınde eki adam "Noýl" taıfýnynyń qurbany boldy. Taǵy da jaǵalaý mańyndaǵy 3,5 myń turǵyn taıfýnnyń jaqyndaýyna baılanysty qaýipsiz jerge kóshirildi.
Taıfýn dúısenbide Fılıppınniń soltústik-shyǵysyna qaraı oryn tepken Lýson aralyna jetti. Taıfýn birshama báseńdep, soltústik-batysqa qaraı jyljyǵany habarlanady, jel jyldamdyǵy saǵatyna 195 shaqyrymǵa jetedi.
Bıliktiń habarlaýynsha, habarlamaǵa jaýapkershilikpen qaraǵan halyq der kezinde kóshirilgen, qajetti qaýipsizdik sharalary qabyldandy.
Jaqyndaǵan Taıfýnǵa baılanysty avıareıster keıinge qaldyrylyp, keme qatynasy toqtatyldy. Keı aýdandarda azyq-túlik qorlary quryldy.
Kagaıan provıntsııasynyń turǵyndary - 70 jastaǵy er adam men onyń 45 jastaǵy uly eskertýge qaramastan kóshege shyǵyp, apat qurbany boldy.
