Fılıppınde tsırk oıyny kezinde granata jaryldy, 37 adam zardap shekti
ASTANA. 2 qyrkúıek. QazAqparat - Ońtústik Fılıppındegi Soltústik Davao provıntsııasynda jeksenbi kúni keshte granata jarylýy saldarynan keminde 37 adam zardap shekti, dep habarlady ITAR-TASS.
Jergilikti polıtsııa ókiliniń habarlaýynsha, belgisiz adam áskerı beketke qaraı granata laqtyrdy, ol qasyndaǵy tsırktiń qorǵanysh toryna soǵylyp, oıyndy tamashalap otyrǵan ondaǵan kórermenderge qaraı aýnaqshyp tústi.
Kúshti jarylystyń jáne bastalǵan dúrbeleńniń saldarynan 37 adam zardap shekti, olardyń úsheýi aýrýhanada aýyl halde jatyr.
Polıtsııa tekserý júrgizýde. Ázirge shabýylǵa jaýapkershilikti Fılıppındegi ekstremıstik toptardyń birde-bireýi moınyna alǵan joq.
