Fılıppınde bolǵan jer silkinisinen qazaqstandyqtar zardap shekken joq

ASTANA. QazAqparat - Fılıppınde jer silkinisi saldarynan zardap shekken qazaqstandyqtar jaıly málimet joq, dep habarlady «QazAqparat» tilshisi QR IDM Týrızm ındýstrııasy departamentiniń basshysy Marat Iǵalıǵa silteme jasap.

 «Departamentke  zardap shekken qazaqstandyqtar jaıly aqparat jáne týroperatorlardan shtattan tys jaǵdaılar týraly málimdeme túsken joq.

Qazir Fıllıpın aýmaǵynda Qazaqstannan barǵan týrıster kóp emes», - dep habarlady ol.

Departament IDM-men baılanysyp, jaǵdaıdy baqylaýda, Marat Iǵalı Fıllıpındegi qazaqstandyqtarǵa qaýipsizdik talaptaryn saqtaýdy, jergilikti bılik nusqaýlaryn ustanýdy usyndy.

Atap ótsek, 11 aqpanda Fıllıppın ońtústiginde magnıtýdasy  6,7 ball jer silkinisi tirkeldi. Saldarynan 4 adam deıin qaıtys bolyp, 120-dan astam adam jaralanǵany aıtylýda. Aldyn ala derek boıynsha jer silkinisinen Sýrıgao qalasynyń ǵımarattary men qurylystary zardap shekken. Turǵyn úıler men áýejaı zaqymdandy. Tsýnamı qaýpi jaıly habarlanǵan joq.