Fılıppınde bir mıllıonnan asa oqýshyǵa denge bezgegine qarsy vaktsına egildi
ASTANA. QazAqparat - Fılıppın ókimeti denge bezgegine qarsy vaktsına egýdi bastady, dep habarlady 24.kz.
Osy keń aýqymdy baǵdarlama aıasynda 9 jastan asqan bir mıllıonnan asa oqýshyǵa vaktsına egiledi.
Eldiń densaýlyq saqtaý mınıstri Djenet Garınnyń málimdeýinshe, bul - eldiń medıtsınalyq qamsyzdandyrý salasyndaǵy tarıhı qadam.
2015jyly Fılıppınde 200 myńnan asa adamǵa denge bezgegi juqqan.
Adam densaýlyǵyna qaýipti bul aýrýdy masalar taratady. Jalpy álem boıynsha, jyl saıyn 390 mıllıon adam denge bezgegimen aýyrady.
- Vaktsına egý arqyly biz denge bezgegin juqtyrý qaýipin 93%-ǵa qysqartamyz. Bul - óte úlken jetistik. Qoǵamdyq densaýlyq saqtaý júıesiniń basty artyqshylyǵy - osy, dedi vaktsına shyǵarýshy kompanııanyń vıtse-prezıdenti Gııom Leroı.
