Fılıppınde mpox vırýsyn juqtyrýdyń alǵashqy jaǵdaıy anyqtaldy

ASTANA. KAZINFORM – Fılıppınde byltyrǵy jeltoqsan aıynan beri elde alǵash ret mpox vırýsyn (maımyl sheshegi) juqtyrýdyń jańa jaǵdaıy tirkeldi, dep habarlaıdy Reuters. 

Eldiń Densaýlyq saqtaý mınıstrliginiń málimetinshe, naýqas – Fılıppınnen tys jerge shyqpaǵan 33 jastaǵy er adam.

«Biz rettik nátıjelerin kútip otyrmyz jáne olar qoljetimdi bolǵan kezde habarlaımyz», - dedi mınıstrlik ókili Albert Domıngo shtamm týraly suraqqa.

Eske sala ketsek, Dúnıejúzilik densaýlyq saqtaý basqarmasy Afrıkada keń taralǵan, ásirese Kongo Respýblıkasynda áserin kúsheıtken maımyl sheshegi vırýsyna (M-pox) baılanysty jahandyq tótenshe jaǵdaı jarııalady. 

Shvetsııa úkimeti elde maımyl sheshegi (M-pox) aýrýy tirkelgenin habarlady. Naýqas vırýsty Afrıkaǵa barǵannan keıin juqtyrǵan. Shved bıligi naýqastyń qajetti em alǵanyn jáne baqylaýda ekenin rastady.

Vırýstyń klınıkalyq belgilerine bet, qol, aıaq jáne jynys múshelerinde bórtpe, qyzba, lımfa túıinderdiń isinýi jáne bulshyqetterdiń aýyrsynýy jatady.

Patsıentterdiń kópshiligi eki-tórt apta ishinde saýyǵyp ketedi, biraq vırýstyń aýyr asqynýy, sonyń ishinde bakterııalyq teri ınfektsııalary, pnevmonııa, mıdyń qabynýy (entsefalıt), sepsıs bolýy tipti naýqastyń ólip ketýi de múmkin. Immýndyq júıesi álsiregen adamdar, balalar men júkti áıelder vırýsqa ásirese osal.