Fılıppınde «Bavı» taıfýny 18 adamnyń ómirin qıdy
ASTANA.KAZINFORM - Fılıppınde «Bavı» taıfýny men odan týyndaǵan mýssonnan qaza tapqandar sany 18-ge jetti. Taǵy 12 adam iz-tússiz joǵalyp ketti, dep habarlaıdy Kazinform agenttiginiń Beıjińdegi tilshisi Xinhua agenttigine silteme jasap.
Fılıppın Azamattyq qorǵanys qyzmetiniń málimetinshe, adamdardyń kóbi kóshkinnen qaza tapty nemese sýǵa batyp ketti. Jalpy alǵanda, apat búkil el boıynsha shamamen 562 000 adamǵa áser etti.
Fılıppınniń atmosferalyq, geofızıkalyq jáne astronomııalyq qyzmetter basqarmasy «Bavı» ońtústik-batys mýssonynyń kúsheıýine sebep bolǵanyn habarlady. Keıbir aımaqtarda nóser jaýyn áli de jalǵasady, sý tasqyny men laı kóshkini qaýpi joǵary.
Zardap shekken aýdandarda izdeý-qutqarý toptary jumyldyryldy, al apat saldaryn joıý jumystary júrgizilip jatyr. Fılıppın jaǵalaý kúzeti sonymen qatar júzdegen jolaýshynyń daýylǵa baılanysty teńiz porttarynda qalyp qoıǵanyn habarlaıdy.
Buǵan deıin «Bavı» taıfýny Japonııanyń Okınava araldaryna jetkenin jazǵan edik.
