Fılıppınde balalardy jappaı vaktsınalaý sharalary júrip jatyr
ASTANA. 27 qarasha. QazAqparat - Dúnıejúzilik densaýlyq saqtaý uıymy Fılıppınniń «Haııan» taıfýnynan zardap shekken jerlerinde balalarǵa jappaı vaktsına egý sharalaryn júrgizýde.
Takloban qalasyndaǵy ortalyqtarda jáne basqa da óńirlerde 30 myńnan astam adam qyzylsha men polıomıelıtke qarsy ekpelerdi alady. Dúnıejúzilik densaýlyq saqtaý uıymynyń málimetinshe, baspanasyz qalǵan balalardyń juqpa aýrýlaryna shaldyǵýynyń táýekeli joǵary.
